Арыстан, мен, виолончель және қасапхана

Әкесін қол созым жақыннан көруім осы болар. Бәкене бойлы, төртбақ. Қамыт аяқ. Тамырлары контур картадағы Қарақұм каналындай адырайған қолында жұмарлап қысқан быж-тыж құлақшыны бар. Биік табалдырықты аттай бере сүрініп кетіп еді, бісмілләсі аузынан қоса шықты.

жылдың ақпан айының 28-інде, кешкі сағат 7-де аудан орталығындағы орта мектептің 6-класс оқушысы Асан Қайырсынов қала сыртындағы қасапхананы өртемек боп жатқан жерінен күзетшінің қырағылығы арқасында қолға түсті.

Жаңа көршілер кәдімгі көрші сияқты. Ит пен
көгершін... жоқ, семіз де дарақы үйрек-қаздар
және шалбар шешкіш шартық бала. «Насыбай»
құпиясы қалай шешілді? Ауылдағы еріккен шал -
кемпірлер. Сегіз ғасырдан кейін қайта тірілген қаһан.
Мен он екі жасқа толған күні сахнаға ілінген мылтықтың қайтсе де атылатындығы жайында пікір білдірген Тәкең тұп-тура екі жылдан соң көшті де кетті. Маңдайға жазылса көшу қиын боп па. Қорабы даладай екі автомашинаға мүкәмәл-мүлігін асығыс тиеді де, жұртына құшақ-құшақ түтін қалдыра Тәкең үрім-бұтағын «Көше» атты кең де қызық әлемге бастай