Адасқан өмір

Қарын тоққа қанағат қылатұғын,

Мен емес, тәнім тірі, жаным өлік.

Ірі мақсат болмаса, ұсақ іске,

Неге мен алданайын уақыт бөліп.

«Асығыс жоқ, мен әлі жетем» деймін,-

«Дәл бүгін жетпедім деу бекер» деймін.

«Сондай бақыт табуға мен әуелі -

Сондай бейнет һәм еңбек етем» деймін.

Мен жігіт, он бес - отыз арасында,

Бұл жаста көп: бересі-аласым да.

Алдымда толған мақсат, толған таңдау,

Алайын мынасын ба, анасын ба?