Өлеңдер жинағы

МАҚТАНБА БАҚЫТТЫМЫН ДЕП БАҒЫҢЫЗҒА

Мақтанба бақыттымын деп бағыңызға,

Қартаймақ қиын сауда тағыңызда.

Іске аспай бақ дәулеттің қалуы оңай,

Басыңнан бағың тайған шағыңызда.

Мақтанба сұлумын деп ажарыңа,

Ажарсыз адамдарды ал назарыңа!

Злиха, Жүсіппенен сұлу өткен,

Тұрмаған ажар ара ажалына!

Достарың, дұспан түгіл табалайды —

Аяғың бір нәрседен шалыс болса!

Қорексіз еш пендесін қалдырмайды,

Жаратқан бір Тәңріңнен күдер үзбе!

БҰЛ КIM?
«Бала, бала, бала» деп,
Түнде шошып оянған.
Түн ұйқысын төрт бөліп,
Түнде бесік таянған.
Аялы қолда талпынтқан,
Қаймақты сүттей қалқытқан.
Суық болса жөргегін,
Қорғасын оқтай балқытқан.
Айналасына ас қойып,
Изені көлдей шалқытқан.
Қолын қатты тигізбей,
Кірлі көйлек кигізбей,
Иісін жұпар аңқытқан.