Necə deyim...çünki birinin başqasını həmişə nədənsə qoruması mümkün deyil. Düz demirəm? Məsələn, tutaq ki, biz səninlə evləndik. Sonra sən hər gün işə gedəcəksən. O vaxt sən işdə olanda məni kim qoruyacaq? Ya da məsələn, sən ezamiyyətə gedəndə, məni kim qoruyacaq? Belə çıxır ki, mən həmişə səninlə yanaşı addımlamalıyam, hə? Bu, yaxşı deyil. Belə bir şeyi heç insani münasibətlər də adlandırmaq olmaz. Həm də, bir gün mən səni bezdirəcəm, sən də: “axı mən niyə yaşayıram? Ömrümün axırına kimi bu qadını qorumaq üçünmü?” deyəcəksən. Mən bunu istəmirəm. Mənim yaram bununla sağalan deyil.