Handbók hjóna og ástabréf Vaxandi borgarsamfélag á 20. öld kallaði á nýjar leikreglur í samskiptum kynjanna. Ekki var sjálfgefið hvernig karlmaður átti að heilsa þeim ótal konum sem hann hitti á degi hverjum eða hvernig kona átti að kalla fram fallegt bros án þess að mynda hið svonefnda „reykvíska veiðibros“. Þessi bók er samsteypa fjögurra smárita sem komu út árin 1922 til 1923, eftir höfundana Ingimund gamla og madömu Tobbu, og var ætlað að veita hagnýt ráð í ástamálum.
